- التعريف القانوني
- التعريف المبسط
نسبة التأطير :
تحتسب نسبة التأطير في الجماعات المحليّة من خلال قسمة مجموع أعوان الصنف (أ)، أي أولئك المنضوين تحت الأصناف الفرعية أ1، أ2، أ3 على المجموع العامّ للأعوان البلديين .
ويشتمل الصنف الفرعي أ1 على الرتب التي لا ينتدب فيها عن طريق المناظرة الخارجية إلا المترشحين المتحصلين على شهادة الماجستير أو شهادة معادلة لها، أو شهادة الدراسات المعمقة أو شهادة معادلة لها، أو شهادة الماجستير المتخصص التي لا تقل مدة الدراسة بها عن أربع سداسيات أو شهادة معادلة لها، أو شهادة الدراسات العليا المتخصصة التي لا تقل مدة الدراسة بها عن أربع سداسيات أو الشهادة الوطنية لمهندس أو شهادة معادلة لها أو شهادة تكوينية منظرة بهذا المستوى.
ويشمل الصنف الفرعي (أ2): على الرتب التي لا ينتدب فيها عن طريق المناظرة الخارجية إلا المترشحون الذين تحصلوا على الأستاذية على الأقل أو شهادة معادلة، أو تحصلوا على شهادة تكوينية منظرة بهذا المستوى.
كما يشمل الصنف الفرعي (أ3): الرتب التي لا ينتدب فيها عن طريق المناظرة الخارجية إلا المترشحين الذين تحصلوا على شهادة الدراسات الجامعية للمرحلة الأولى من التعليم العالي على الأقل أو شهادة معادلة أو تحصلوا على شهادة تكوينية منظرة بهذا المستوى.
- تعريف الهيئة العليا للمالية المحلية [1] – التقرير السنوي الأوّل للهيئة والعليا للمالية المحلية 2019
- أمر عدد 2338 لسنة 2003 المتعلّق بتنقيح الأمر عدد 12 لسنة 1999 المؤرخ في 4 جانفي 1999 يتعلق بضبط الأصناف التي تنتمي اليها مختلف رتب موظفي الدولة والجماعات المحلية والمؤسسات العمومية ذات الصبغة الإدارية
المصطلح الموحد (*) : الموارد البشرية للجماعات المحلية
في مسار اللامركزية، ما يكفيش أننا نعملو إنتخابات وانصبو مجالس بلدية وجهوية. المجالس المنتخبة واللي تمثل سلطة سياسية يحاسبها المواطن، لازمنا نضمنو إلي عندها كل الإمكانيات بش تنجح في القيام بالمهام إلي خذاوهم بالقانون. وكي نحكيو على إمكانيات، نحكيو عادة على إمكانيات مالية، مادية، وبشرية.
خلينا نركزو على الموارد البشرية للجماعات المحلية.
كل إدارة، لتوفير خدمات للمواطنين، ترتكز أساسا بطريقة مباشرة أو غير مباشرة على موظفين يقومو بمهام مختلفة. وكل مهمة عندها قواعدها ولازمها تكون تابعة لخطة وظيفية معينة. الخطط هاذي الكل، أو بمعنى آخر الموظفين هاذم، لازم عملياتهم يكونو منظمين حسب قواعد معينة بش في النهاية الإدارة كهيكل متكامل تنجم تقوم بدورها بنجاعة.
تنظيم الخطط هاذا اسمو
تنظيم هيكلي [2]، وهو وثيقة تحتوي عموما على رسم تخطيطي يلخص كل موظف في كل إدارة محلية شنوا إسم الوظيفة متاعو، على قداش من موظف يشرف وبدوره شكون يشرف على خدمتو. مثلا نلقاو في الوثيقة هاذي خطط كيما موظف مكلف بالحالة المدنية، أمين مال بلدي، أعوان النظافة، كاتب عام البلدية، إلخ.
بش إنجمو نقيمو الجماعات المحلية بنفس المعايير وبش تكون الكلها قادرة على توفير نفس الخدمات للمواطنين الكل لازم يكون عندها حد أدنى من الأرضية المشتركة، وخاصة تكون عندها نفس التنظيمات الهيكلية، وهاذاكا علاش القانون اعطى للدولة مسؤلية تحديد نموذج للهيكلة هاذي على المستوى المركزي.
في مرحلة ثانية، وبعد تحديد كل الوظائف إلي بش نحتاجولها، لازمنا نضمنو إلي كل جماعة محلية وخاصة البلديات عندها الأشخاص المناسبة للقيام بالوظائف العليا والتقنية، يعني الإطارات إلي عندها مستوى دراسي أو تكويني عالي (من مستوى مرحلة أولى إلى ماجستير ودراسات متخصصة)، مقارنة بمجموع موظفين البلدية مثلا. المؤشر هذا اسمو نسبة التأطير وهو من أكثر المؤشرات إلي تعبر على جاهزية البلديات لانجاز مشاريعها التنموية وتوفير الخدمات الأساسية إلي تابعة صلاحياتها. وهذا تحدي كبير كي نشوفو أن نسبة التأطير على المستوى الوطني اليوم ما تفوتش 12%، وكان نزيدو نتعمقو نلقاو إلي فما تفاوت كبير بين البلديات الكبيرة واللي أصغر في الحجم والإمكانيات، خاصة البلديات الجديدة. وهذا غير كافي نظرا للهدف إلي حطيناه في الإستراتيجية متع اللامركزية واللي هو 16% في نهاية 2023.
اليوم كل المتدخلين في مسار اللامركزية واعين بالتحدي هذا، وهذاكا علاش تم التأكيد على أهمية توفير آليات التكوين لكل بلدية في مرحلة أولى وهذا بإدراج برامج
تكوين [3] في الميزانيات المحلية وزادة في برامج المرافقة إلي يتم تخطيتها على مستوى الوزارات، حتى نتمكنو من تغطية كل حاجيات المجالس البلدية في
تكوين [3] اطاراتها وأعضاء المجالس المنتخبة.
- تنظيم هيكلي [2]
- نسبة التأطير
- تكوين [3]