Print This Post

تهيئة ترابية

 

  • التعريف القانوني
  • التعريف المبسط

التهيئة الترابية : يقصد بالتهيئة الترابية، مجموع الخيارات والتوجهات والإجراءات العملية التي يتم الاتفاق عليها على المستوى المحلي لاستخدام المجال الترابي للجماعة المحلية مثل المشاريع الكبرى للبنى الأساسية والتجهيزات العمومية والعناية بالتجمعات السكنية.

  • الفصلان 65 و139 من الباب الثالث والباب السابع من دستور الجمهورية التونسية
  • الفصلان 29 و31 من الباب الأول من الكتاب الأول من مجلة الجماعات المحلية
  • الفصول 113 و115 و116 و117 و120 و124 من الباب الثالث من الكتاب الأول من مجلة الجماعات المحلية
  • الفصل 239 من الباب الأول من الكتاب الثاني من مجلة الجماعات المحلية
  • الفصل 358 من الباب الثالث من الكتاب الثاني من مجلة الجماعات المحلية
  • الفصل 2 من مجلّة التهيئة الترابية والتعمير.

المصطلح الموحد (*) : الفرق بين التهيئة الترابية والتعمير
عادة ما يكون فما خلط بين التهيئة الترابية والتعمير واستعمال الكلمتين كأنهم بعنيو نفس الشيء، وقد يكون هذا راجع لجمع التهيئة الترابية والتعمير في قانون واحد الي هو مجلة التهيئة والتعمير لسنة 1994.
على كلّ حال الجمع هذا يعكس العلاقة المتينة بين المفهومين والترابط متاعهم لكن أوجه التمييز بيناتهم عديدة:
حسب قانون 1994 التهيئة الترابية هي كل الاختيارات والتوجهات والاجراءات التي يتم ضبطها على المستوى الوطني أو الجهوي لتنظيم استعمال المجال الترابي والتي من شأنها ضمان التناسق في تركيز المشاريع الكبرى للبنى الأساسية والتجهيزات العمومية والتجمعات السكنية وفق نظرة بعيدة المدى تأخذ في الإعتبار الخصوصيات الوطنية وإحكام توزيع السكان والأنشطة الاقتصادية على التراب الوطني
الي انجمو نفهموه هو انه التهيئة الترابية تفترض حاجتين الحاجة الأولى هي التهيئة والمقصود بيها هو كل تصور واعي ومحدد لتغيير اصلاح، مراجعة وتطوير والا ملاءمة المجال الترابي لتحقيق هدف محدد كيما تهيئة تراب جهوي بش نعملو مشاريع كبرى والحاجة الثانية هي وجود مجال ترابي ينجم يكون وطني والا جهوي كيما حددو قانون 1994 كيما بش يشمل غدوة التراب الإقليمي أوّل ما يتم ملاءمة مجلة التهيئة الترابية والتعمير مع مجلة الجماعات المحلية.
على كلّ حال انجمو نقولو الي التهيئة الترابية هي ترجمة للإرادة العمومية في تنظيم مجالها الترابي على نطاق شاسع (وطني جهوي والا إقليمي) وضمان أحسن استغلال ليه بش يقوم بالوظائف متاعه كيما السكن، الإنتاج، الترفيه الخ كيما ينجم يكون الهدف متاعه مراجعة التنظيم الموجود وتطويعه للمتطلبات الجديدة.
ومن أهمّ اليات التهيئة الترابية اليوم نلقاو المثال التوجيهي للتهيئة والي يضبط التوجهات الأساسية لتهيئة المناطق الترابية. ومن المنتظر انه في المستقبل بش يكون عنّا أمثلة تهيئة وتنمية توجيهية بش تعدّها الجهات والأقاليم زادا وهذا الكل باعتماد المقاربة التشاركية.
الشمولية متاع التهيئة الترابية تخلّيها تستوعب التعمير باعتباره جملة التصورات المبنية على برامج للتدخل في المجال العمراني فقط أي أنّه مجالها محدد ويعتمد فيه أدوات تقنية وقواعد وإجراءات قانونية تترجم سياسة المدينة ،وطبعا بقوم على مبادئ كيما التشاركية و الحوكمة والاستدامة والتناسق والاندماج والهوية العمرانية والجودة .
ومن أكثر أداوات التخطيط العمراني المعروفة نلقاو مثال التهيئة العمرانية الي هو أداة تخطيط عمراني تخلي الجماعة المحلية المعنية بيه تحطّ سياسة متناسقة لتنظيم استعمال مجالها الترابي وتحديد شروط استعمال واستغلال مجالها وموكول للبلديات اليوم اعدادها وتنفيذها والمصادقة عليها والبلديات المحدثة اليوم هي أوّل الجماعات المحلية المعنيّة باعداد أمثلة تهيئة عمرانية خاصّة بترابها البلدي كيما الي تقوم بيه حاليا بلديّة بوغرارة على سبيل المثال، الا أنّه فمّا بلديّات قديمة كيما بلديّة المرسى مثلا الي راجعت مثال التهيئة العمرانية الخاص بيها.
ومهما كان الاختلاف بين الأليات المعتمدة سواء في اطار التهيئة الترابية أو العمرانية فانّه القانون أكّد على ضرورة التناسق بين الأمثلة هاذي الكل واعتبر أنّها تدخل في منظومة هرمية أي أنّه لازمها تكون ما تتعارضش بيناتها وأكّد زادا على أنّه الأمثلة هاذي يتمّ اعدادها ووصياغتها وتنفيذها بتشريك المواطنين/ات والمجتمع المدني في كامل مراحلها أي انّه اليات الديمقراطية التشاركية لازم تطبيقها في مرحلة الاعداد والتنفيذ والمتابعة وهذا الي أكّدت علي مجلّة الجماعات المحليّة كيما الدستور زادا.

(*) الفرق بين التهيئة الترابية والتعمير

  • تعمير
  • التهيئة الترابية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *