سحب الثقة من رئيس الجماعة المحليّة

سحب الثقة من رئيس الجماعة المحليّة
على خلاف الايقاف عن العمل أو الاعفاء، تكون اليّة سحب الثقة متاحة للمجلس البلدي أو الجهوي الذي يمكنه بناء على لائحة معلّلة يمضيها نصف أعضاء المجلس على الأقل،أن يسحب الثقة من رئيسه بأغلبية ثلاثة أرباع الأعضاء. كما له أن يسحب الثقة من مساعدي الرئيس وفقا لنفس الإجراءات. لا يمكن تقديم لائحة سحب الثقة أكثر من مرة خلال الدورة النيابية. كما لا يمكن سحب الثقة خلال الأشهر الستة التي تلي انتخاب المجلس أو خلال السنة الأخيرة من المدة النيابية.

• الفصول 255 و 330 من مجلّة الجماعات المحليّة

المصطلح الموحد (*) :الفرق بين الإعفاء والحلول وسحب الثقة

على خلاف الحلّ و الإنحلال الي تهمّ المجالس المحليّة وتأثر عليها في جملتها، القانون حطّ اليات تخصّ رئيس الجماعة ومساعديه أكهو والاليات هاذي هي “ الحلول”، الايقاف وسحب الثقة؟. مثلا اذا عنا رئيس بلديّة امتنع عالقيام بأعماله والا أهملها ينبّه عليه الوالي و في صورة ما تقاعس على قيامه بمهامه والا ولّى عاجز على اداءها و فما خطر مؤكّد الوالي عنده الحق في انه يحلّ محلّ رئيس البلديّة ويباشر الصلاحيات متاعه للي يزول السبب متاع الحلول. من جهة أخرى تنّجم السلطة المركزيّة توقّف رئيس جماعة محليّة والا مساعديها على مباشرة المهام متاعه أما الايقاف هذا ما ينجم يصير كان في حالة ارتكاب أخطاء جسيمة تتعلق بخرق للقانون وتضرر بالمصلحة العامّة والايقاف يكون بقرار معلل وبعد ما يتم سماع الرئيس والا مساعديه وبعد استشارة المجلس الأعلى للجماعات المحلية ولمدّة ما تتجاوزش 3 أشهر. و اذا ثبتت مسؤولية الرئيس والا مساعديه في خرق القانون والاضرار بالمصلحة العامة ينجم الوزير المكلف بالشؤون المحليّة القانون ما يكتفيش بالايقاف بل يعفيهم من مهامهم . وسواء تعلق الأمر بايقاف والا اعفاء ديما يبقى عند المعنيين بالأمر الحق في الطعن في القرارات هاذي قدام المحكمة الادارية. من جهة أخرى رؤساء الجماعات المحليّة ومساعديهم ينجموا يتأثروا مش بتدخل من السلطة المركزيّة والا ممثليهم ولكن بقرار من المجلس متاعهم فمثلا ينجم نصف أعضاء مجلس بلدي يقدموا لائحة سحب ثقة من الرئيس ويصوتوا عليها بأغلبية ثلاثة أرباع الأعضاء. الالية هاذي ما تنجم المجالس تستعملها كان مرة برك في الدورة النيابية وما تنجمش تكون الستة أشهرة لولانين والا في العام الاخر من المدة النيابية.

(*) الفرق بين الإعفاء والحلول وسحب الثقة

• الحلول
• الإيقاف عن العمل والإعفاء
• سحب الثقة من رئيس الجماعة المحليّة