Print This Post

سلطة محلية

 

  • التعريف القانوني
  • التعريف المبسط

هي سلطة يمنحها الدستور للجماعات المحليّة في إدارة الشأن المحلّي وتعني القدرة على تسيير الجماعات المحلية لشؤونها تسييرا حرّا، في إطار وحدة الدولة. وتقوم هذه السلطة على أساس اللاّمركزيّة وتتجسّد على ثلاث مستويات (بلديّة، جهة، إقليم).

  • الفصل 65 و131 و148 من دستور الجمهورية التونسية
  • الفصل 1 من الباب الأوّل من الكتاب الأوّل من مجلة الجماعات المحلية

المصطلح الموحد (*) :الفرق بين السلطة المحلية والحكم المحلي
برشا اليوم يستعملو مصطلح الـ حكم محلّي كمرادف للـ سلطة محلية الي كرسها الباب السابع من دستور 2014. يمكن يرجع هذا للرغبة على التأكيد على الصبغة الثورية للسلطة المحلية والا في اطار سياق القطع مع الماضي والحدّ مالهيمنة المركزية والاّ غيره من الأسباب.”.
على كلّ استعمال المصطلحين هذوما كمرادفين ماهوش صحيح، علاش؟
أوّل حاجة لازمنا نأكدو علاها انه سواء في الدستور والا مجلة الجماعات المحلية المشرّع ما استعملش مصطلح “الحكم المحلي” واكتفى باستعمال مصطلح السلطة المحلية !
بمعنى اخر: قانونا، الصحيح على مستوى اللغة والاصطلاح هو “السلطة المحلية” ومفما حتى أثر في القانون التونسي لمصطلح الحكم المحلي.
وحتى على مستوى المعنى فما فرق كبير بين المصطلحين:
كيما قلنا الدستور التونسي كان واضح واعتمد السلطة المحلية أي انه أعطى سلطة للجماعات المحليّة والي هي بلديات، جهات وأقاليم في إدارة الشأن المحلّي تسيير حرّ، أمّا حط سقف للسلطة هاذي الي هو وحدة الدولة.
بمعنى اخر الدستور يكرس السلطة المحلية الي تقوم على اللامركزية والي هي إدارية اشمعناها؟ اللامركزية الإدارية تقوم على فكرة وجود مصالح محلية متميزة على المصالح الوطنية وهوني نقصدو الحاجيات متاع المتساكنين الي يفرضها الواقع المحلي ومينجم يستجيبلها كان صاحب قرار منتخب على مستوى محلي ومدرك للواقع هذا.
وبش تنجم الجماعات هاذي تتصرف بيها بحرية وفاعلية أسندلها الدستور الشخصية القانونية والمالية بمعنى أنه اعترفلها أنها تكون عندها شخصية منفصلة على شخصية الدولة. و أسند التسيير متاعها لمجالس منتخبة من قبل المتساكنين بش يمثلوهم هذوكم الي انتخبناهم في 6 ماي 2018 على مستوى البلديات. لكن الدستور زادا حدد حرية هالجماعات المحلية بأنّه قالها ردّ بالك تتعارض مع تشريعاتي الوطنية ! بلغة أخرى مش ممكن لأي بلدية، مثلا، انها تعمل حكومة خاصّة بيها والا تصادق على دستور ينظمها والا حتّى تتخذ قرار يتخالف مع التشريعات متع الدولة التونسية.
في حين أنّه وقتلي نحكيو على الحكم المحلي فاننا خرجنا عن منطق الدول الموحدة كيما تونس ودخلنا نوع اخر من اللامركزية الي هي اللامركزية السياسية الي تعتمده بعض البلدان كيما البلدان الفدرالية مثالا الولايات المتحدة الأمريكية والا البلدان الي عندها نزاعات قبلية كبيرة والا حتى البلدان الي عندها أنظمة مركبة كيما بريطانيا والي متنتميش للدول الفدراليّة لكنّها تعترف بما يسمى ال “local government » وهو ما يخلي مثلا اسكتلندا عندها حكومة وبرلمان خاصين بيها والحال انها تتبع ترابيا المملكة المتحدة
تمت مناقشة هذا المصطلح في الدورة التشاركية الاولى حول معجم مصطلحات اللامركزية التي اقيمت يوم 26 أوت 2021 في نابل.

رابط الورشة

(*)الفرق بين السلطة المحلية والحكم المحلي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *