الاستشراف الاستراتيجي

الاستشراف الاستراتيجي : الاستشراف الاستراتيجي هو منهجية عملية تكرس الاستشراف في خدمة العمل الاستراتيجي سواء كان ذلك لفائدة المؤسسات، الحكومات والدول، هياكل السلطة المحلية، المنظمات الدولية… بهدف دعم عملية صنع القرار الاستراتيجي وتعزيز الوعي بالمستقبل والخوض في تفاصيله وتقصي ممكناته من خلال وضع الفرضيات وبناء السيناريوهات المستقبلية الممكنة.
يعتمد الاستشراف الاستراتيجي أدوات العمل التشاركي والذكاء الجماعي في الخوض في حقول الممكنات وتبين العوامل التي تساعد في صناعة التغيير في المستقبل
يعرف ميشال غودي وهو من أبرز المستشرفين في العصر الحديث الاستشراف الاستراتيجي كونه ”إنارة العمل الحالي على ضوء المستقبلات الممكنة والمرغوب فيها”
يرتبط الاستشراف الاستراتيجي منذ فترة بمفهوم التنمية المستدامة والشاملة باعتباره وسيلة جماعية تمكن من الخوض في المستقبل مع وضع الروابط الاستراتيجية اللازمة بين القطاعات والمجالات المكونة لمسارات التنمية على الصعيد المحلي والدولي

المصطلح الموحد (*) : الاستشراف والهيئة العامة للاستشراف
بش نفهم أهمية موضوع الاستشراف في مسار اللامركزية، لازم نعرفو إلي المسار هذا تم التخطيط ليه على أساس أن تنتهي كل مراحله من هنا لسنة 2039، وهذا قرار تم اتخاذه بعد الثورة أول ما بدينة نفكرو في السلطة المحلية. يعني نحكيو على مسار بش تنخرط فيه كل أجهزة الدولة لمدة تقريب ربع قرن. كي نحكيو على فترة زمنية طويلة وسياسة دولة على المستوى البعيد، ما نجموش نبقاو نقدمو من غير ما تكون عندنا أهداف على المدى البعيد، المتوسط، والقريب في كل ما يتعلق باللامركزية من قريب ومن بعيد.
الأهداف هاذي بش تتحقق لازم تكون واقعية وتدريجية وقائمة على أسس علمية صحيحة تاخذ بعين الاعتبار معطيات الماضي والحاضر وفرضيات المستقبل على كل المستويات (التنموي، البشري، السياسي، البيئي، الصحي، الإجتماعي، العالمي، إلخ..). وهذا هو إلي نسميوه الاستشراف. هو العمل بصفة تشاركية بدعم من خبراء في اختصاصات مختلفة، على المدى البعيد وباعتبار كل المخاطر إلي تنجم تقع في كل المجالات، بش نعطيو سند علمي قوي للقرار السياسي إلي الهدف منو تحقيق التنمية المستدامة والتغيير الإيجابي لفائدة المواطنين، بالضبط كيما اللامركزية.
بش هذا الكل ما يقعدش حبر على ورق، تم إرساء الهيئة العامة للاستشراف ومرافقة مسار اللامركزية، إلي تابعة لوزارة الشؤون المحلية والبيئة واللي الهدف متاعها القيام بكل العملية الاستشرافية إلي حكينا عليها على طول فترة مسار اللامركزية.
يعني الهيئة عندها دور جوهري في ضمان نجاح اللامركزية وتقوم به عن طريق دراسات متعددة الاختصاصات، تقييم دوري للنجاحات والعراقيل وتوفير كل المعطيات حول التحديات المستقبلية، ومساندة الجماعات المحلية بش تضمن قدرتها على مواجهة كل التحديات هاذي. وهذا يتطلب برشا آليات وخبرات لازم تكون متوفرة في الهيئة بش تقوم بالتنسيق اللازم بين الهياكل الكل، تعمل الخطط الإستراتيجية للامركزية للحكومة وتعاون البلديات بش تعمل الدراسات التقنية والعلمية وتضبط الاحتياجات متاعها …

• الاستشراف الاستراتيجي
• الاستشراف